E Forma Difísil

Den Isaias 7:14-16, Emanuel ta un señal konektá na e dilema spesífiko di Akaz: Promé ku e yu Emanuel lo tabata sufisiente bieu pa disidí entre diferente tipo di alimento, “e tera dilanti di ken su reinan bo ta den temor lo ta bandoná” (Isa. 7:16, NRSV). Esaki ta referí na e tera i reinan di Siria i Israel norteño (lesa Isa. 7:1, 2, 4-9) i ta reiterá e promesa di Dios ku nan poder pronto lo a ser eliminá.

Dikon Isaias ta menshoná “lechi kuahá i honing” (NRSV) ku e mucha hòmber lo mester a kome? Isa. 7:15.

E kultivonan i kunukunan di Huda lo a ser destruí dor di e Asirionan (Isa. 7:23-25). Asina ku e pueblo, inkluyendo e Emanuel di Tèstamènt Bieu, ken sea e tabata (Isa. 7:14,15), lo a ser fòrsá pa regresá na e dieta di nomada (Isa. 7:21,22). Pero miéntras nan lo tabata pober, nan lo tabatin sufisiente riba kua sobrebibí.

Ki ora e profesia enkuanto di Siria i Israel di nort a ser kumplí? 2 Reinan 15:29,30; 2 Reinan 16:7-9; 1 Kron. 5:6,26.

E profesia akí di Isaias a ser duná masoménos 734 P.K. Komo reakshon riba e soborno di Akaz, Tiglath-pileser III a hasi loke probablemente e lo a hasi en todo kaso: El a aplastá e koalishon di nort, a konkistá e regionnan galileo i transhordania di Israel di nort, a deportá algun di e poblashon, i a hasi e teritorionan provinsianan asirio (734-733 P.K.). E restante di Israel a ser salbá ora Hoshea, despues di a mata Rei Pekah, a someté su mes i a paga tributo. Na 733 i 732 P.K. Tiglath-pileser a konkistá Damasko, kapital di Siria. Despues el a hasi Siria provinsianan asirio. Asina, pa 732, denter di masoménos dos aña di e predikshon di Isaias, Siria i Israel a ser derotá definitivamente, i tur kos a terminá pa e dos reinan ku a menasá Akaz.

Pronto despues ku Shalmaneser V a remplasá Tiglath-pileser III na 727 P.K., Rei Hoshea di Israel a kometé suisidio polítiko dor di rebeldiá kontra Asiria. E asirionan a kohe e siudat kapital di Samaria na 722 P.K. i a deportá míles di israelita pa Mesopotamia i Media, kaminda finalmente nan a ser apsorbá den e poblashonnan lokal i a pèrdè nan identidat (Lesa Isa. 7:8—denter di 65 aña Efrain lo no tabata ni un pueblo mas). Dios a predesí loke lo a sosodé ku e enemigunan di Huda, pero Su punto na Akaz tabata ku esaki lo a sosodé en todo kaso, sin ningun nesesidat di dependé riba Asiria.

Lesa e versíkulonan akiriba. Kiko Señor ta bisando ku lo sosodé ku e tera? Dikon nos no mester ta sorprendí ku e resultado akí?

“Invitashon riba invitashon a ser mandá pa e Israel ku tabata faya pa bolbe na nan lealtat na Yehovah. Tierno tabata e súplikanan di e profetanan; i segun ku nan tabata para dilanti di e pueblo, sinseramente ekshortando na arepentimentu i reforma, nan palabranan tabata karga fruta pa e gloria di Dios.” — Ellen G. White, Prophets and Kings, p. 325.

Asina, pa Akaz, e hòmber di miedu mas bien ku di fe, e bon notisia di Dios tabata ku Siria i Israel lo a ser eliminá kompletamente. E mal notisia tabata ku Asiria, e aliado i “amigu” ku el a skohe pa yud’é, lo a resulta di ta un oponente muchu mas peligroso ku Siria i Israel tabata. Dor di rechasá e liberashon ofresé gratuitamente, Akaz a ser ganarntisá derota. Si Akaz a pensa ku su mundu tabata kayendo den otro awor, kosnan tabata bai bira solamente pió!

“Ta mihó pa tuma refugio den Señor ku pa pone konfiansa den prensnan” (Salmo 118:9, NRSV). Kon Akaz por a konfia ku Tiglath-pileser III lo tabata satisfecho ku hiba e paisnan nan nort i lo a respetá Huda? Eskritonan asirio, manera registronan di e rei asirio mes, ta testifiká di e echo ku nan deseo pa poder tabata insasiabel.

Lesa 2 Reinan 16:10-18 and 2 Kroónikanan 28:20-25. Kiko tabata sosodiendo ku Akaz? Ki prinsipio spiritual nos ta mira desaroyando aki? Dikon nos no mester ta sorprendí pa su akshonnan?

Segundo Krónikanan 28:20-23 poderosamente ta resumí loke a resultá di e echo ku Akaz a pidi Asiria ayudo mas bien ku dependé riba Señor.

Bo por imaginá bo hungando un wega di bala ku e di dos yu hòmber di Isaias? Pa momentu ku bo por a bisa “Maher-shalal-hash-baz, tira e bala pa mi!” lo tabata demasiado lat. Pero ainda mas largu ku su nòmber ta su nifikashon: “lihé ta botín, rápido ta proi” òf “apurá e daño, aselerá e sakeo”.

E mensahe di e nòmber klaramente tin di aber ku konkista rápido, pero ken ta konkistá di ken? Isa. 8:4.

Isaias 8:1-10 ta reforsá e mensahe di kapítulo 7. Promé ku un mucha por a alkansá un sierto etapa, dañonan di guera di e kapitalnan di Siria i Israel norteño lo a ser tumá pa Asiria. Ademas, pasobra Huda a rechasá e mensahe di siguransa di Dios, representá pa e awanan ku tabata kore suave di e riu Shiloah na Herusalèm, e lo a ser aplastá pa e gran poder di Asiria, representá pa inundashon di e gran Riu Eufrates.

Pasobra Huda a bira na Asiria, e nòmbernan di e yunan di Isaias tabata referí na Huda, komo tambe na Israel norteño: “lihé ta botín, rápido ta proi”, pero “un remanente lo bolbe bèk”. Dikon ainda tabatin speransa? Pasobra aunke Asiria lo a yena e tera di Emanuel (Isa. 8:8), ainda nan tabatin e speransa ku “Dios ta ku nos” (Isa. 8:10). En realidat, loke nos ta mira aki ta un tema ku ta penetrá den henter e buki di Isaias, kua ta though lo tabatin huisionan riba e enemigunan di Dios na Huda i otro nashonnan, hibá den forma di desasternan military, sufrimentu, i eksilio, Señor lo tabata ku e sobrebibientenan fiel di Su pueblo i restourá nan na nan tera.

Dikon Isaias ta bisa nos ku el a registrá e nòmber di e mucha i tabatin relashonnan marital ku su esposa (“e profetisa”) Isa. 8:1-3.

E periodo di tempu di su yu hòmber tabata sentral na su nifikashon komo un señal. Manera ku e señal di Emanuel, for di e momentu ku el a ser konsebí i a nase te na e momentu ku Asiria a derotá Siria i Israel lo tabata ménos tempu ku e lo a tuma pa e mucha hòmber alkansá un etapa di desaroyo trempan, den e kaso akí yamando su tata òf mama (Isa. 8:4). Ora Isaias a registrá nòmber di e mucha legalmente asta promé ku su konsepshon, el a hasi e mucha i su nòmber un profesia públiko ku por a ser probá pa eventonan konsekutivo.

Den su promé diskurso inaugural, Presidente Merikano Franklin D. Roosevelt a bisa un nashon desanimá pa e Gran Depreshon: “E úniko kos ku nos mester tin miedu di dje ta miedu mes.” — U.S. Capitol, Washington, D.C. (4 di mart 1933). E mensahe di Isaias na hendenan depresivo ta: “Nos no tin nada di teme ora nos ta teme Dios Mes”.

Dios a spièrta Isaias pa no teme loke su pueblo tabata teme, sino pa teme E (Isa. 8:12, 13). Esaki ta un tema importante den Skritura. Por ehèmpel, den Revelashon 14:6-12, tres angel ta proklamá un mensahe mundial: Teme Dios i duna gloria na djE, mas bien ku teme i duna gloria na e poder animal terenal deskribí den kapítulo 13.

Kon bo ta komprondé e idea di “teme” Dios? Kiko esei ta nifiká, spesialmente dne lus di e mandato pa nos stima Dios tambe (Mat. 22:37)?

Berdadero temor di Dios komo santu ta nifiká rekonos’E komo e poder final den e universo. Un temor asina ta vense kualke otro temor. Si E ta pa bo, ningun otro hende no por mishi ku bo sin Su pèrmit. Si E ta kontra bo pasobra bo a rebeldiá kontra djE, bo por kore, pero bo no por skonde!

E idea ku nos mester teme Dios no ta kontradesí 1 Juan 4:18? “No tin miedu den amor, pero amor perfekto ta tira tur miedu afó; pasobra miedu tin di aber ku kastigu, i ken ku tin miedu no a alkansá perfekshon den amor” (NRSV).

Tin diferente tipo di miedu. Si un hende ku poder impreshonante ta bo amigu, ku ken bo por kompartí amor mutuo, bo no tin miedu di e persona ei den sentido ku bo ta kere ku e lo hasi bo daño. Pero bo tin un tipo di temor den sentido ku bo konosé i ta respetá e poder di e persona e ii e límitenan di boso relashon.

Lesa e pasashi akiriba. Di kiko e ta papiando? Kiko esaki tin di aber ku Rei Akaz? Resumí e ideanan.

Akaz tabata profundamente envolví den religion pagano (2 Reinan 16:3, 4, 10-15; 2 Kron. 28:2-4, 23-25), kua tabata fuertemente interkonektá ku lo okulto (kompará Deut. 32:17, NRSV; “Nan ta sakrifiká na demoñonan”, 1 Kor. 10:20). Vários aspekto di bruheria moderno tin paralelonan notabel den ritualnan di Oriente serkano antiguo, manera ta ser testifiká pa eskritonan antiguo pafó di Beibel. En realidat, inkluso hopi di e práktikanan di Era Nobo di awendia ta simplemente manifestashonnan kontemporáneo di e práktikanan okulto antiguo akí.

E deskripshon di desesperashon di Isaias ku ta resultá di dependensia riba spiritunan fuera di Señor (Isa. 8:21, 22) ta pas bon ku Akaz (kompará 2 Kron. 28:22, 23). Isaias ta referí na hendenan ku ta bira furioso i ku ta maldishoná nan rei (Isa. 8:21). Esaki lo a spièrta Akaz ku pasobra el a hiba e pueblo den lo okulto, nan lo a maldishon’é. De echo, ora Akaz a muri, un eksepshon a ser hasí enkuanto di su entiero debí na falta di rèspèt p’e: “nan no a hib’é den e grafnan di e reinan di Israel” (2 Kron. 28:27, NRSV).

Kiko e tekstonan akí ta bisa tokante lo okulto? Lev. 20:27, Deut. 18:9-14.

Separashon for di e okulto ta un asuntu di lealtat na Dios. Promé Krónikanan 10:13, 14 ta apliká e prinsipio akí na e kaso di Rei Saul: “Asina Saul a muri pa su infieldat; e tabata infiel na Señor den e echo ku e no a warda e mandamentu di Señor; ademas, el a konsultá un montadó, i no a buska guiansa di Señor. P’esei Señor a mat’é i a pasa e reino over na David, yu di Jesse” (NRSV).