Bida Deboshonal i Testifikashon

E dos dianan akí di e trayekto nos lo studia e importansia di e elemento konservativo ku nos mester pa nos bida di orashon i estudio di Beibel ta kompleto. Pa esaki nos a invitá Ps Alejandro Bullón un biaha mas pa e splika nos tokante esaki.

E 31 di desèmber ei tabata parse un feria di djadumingu den e pueblonan di interior i, sinembargo, e esenario tabata e sentro di un di e statnan mas grandi na mundu. Hende, hopi hende. Un grupo sin fin di atleta saliendo komo si fuera ta e éksodo hudiu. Míles bisti na tur koló: kòrá, blou, hel, lila, en fin. Den bista, un denominadó komun: e deseo pa yega na e meta. E maratòn di San Silvestre, na Brazil, tabata kuminsando.

Entre e míles di atletanan, profeshonalnan i amatùrnan ku tabata sali tabatin un hòmber di sesenta aña: kabei blanku pa tempu, ploinan prominente i mirada di un leon hambrá. E tabata parse un bestia bieu, opservando e antilopnan ku hamas e lo a alkansá.

Ricardo Fonseca lo pasa den historia, no komo e kampion den e kareda di 15 kilometer dor di e kayanan di San Pablo, sino komo e kampion di insistensia i perseveransia. El a yega na último lugá, kuater ora despues di e kampion, pero el a yega, lastrando su pianan, morto kansá, sin ku e ora ni e posishon di su yegada tabata import’é. Su úniko preokupashon, el a bisa na final, tabata pa yega i kompletá e kareda. “Nunka mi a laga nada mitar hasí,” el a bisa, sonriendo. “Mi a siña na mucha ku no ta eksistí pió derota ku un kareda ku bo no ta kaba.”

El a duna e impreshon di ta parafraseá apòstel San Pablo, ku un dia a skirbi:

“Ma mi no ta paga atenshon na nada, ni ta konsiderá mi bida presioso pa mi mes, basta ku mi kaba mi kareda ku goso, i e ministerio ku mi a risibí di Señor Hesus, pa duna testimonio di e evangelio di e grasia di Dios.” (Echonan 20:24)

Sentenar di aña pasá, Pablo a bisa ku e úniko kos ku tabata interes’é, asta riskando su bida, tabata “kaba e kareda”. Tin hopi hende frakasá pasobra nan ta kuminsá un trabou i no ta kaba kuné. Nan ta desanimá. Nan ta kalkulá ku nan lo no yega na promé lugá i ta bandoná e kareda. Nan kaminda ta asfaltá ku diskulpanan maravioso. Di tantu inventá nan, nan ta kuminsá kere ku nan ta realidat. Kampionnan di splikashon. Nunka nan ta yega, ni sikiera na último lugá. Simplemente nan no ta yega.

Te aki bo a opservá, den lesamentu di e trayekto akí, konsehonan ku lo yudabo persistí den orashon konstante i den estudio diario di e Palabra di Dios. Pero e konsehonan akí lo bal poko pa bo si bo no pone nan den práktika i, aunke bo praktiká nan, lo bo logra poko si bo no inkluí e elemento konservativo den bo bida deboshonal.

Pero testifiká no ta konsistí solamente di e echo di biba un bida koherente ku ta inspirá e hendenan rònt di bo pa ta manera bo. Mi ta kere ku esei ta parti di e bida kristian, pero, den e kaso akí, ora mi ta papia di testifikashon, mi ta referí na e echo di sali, buska hende entre bo amigunan, kompañeronan di estudio òf di trabou, miembronan di famia ku ainda no ta kombertí, òf kualke otro persona di bo sírkulo di konosínan, i trese nan na pia di Hesus. Si bo no inkluí e aktividat akí, ora ta papia di testifikashon, mi ta referí na e echo di sali, buska hende entre bo amigunan, kompañeronan di estudio òf di trabou, òf miembronan di famia ku no ta “kombertí” ainda, den bo bida devoshonal, bo por ta sigur ku kualke determinashon ku bo tuma relashoná ku biba den spiritu di orashon i studia Beibel diariamente, lo kaba den poko tempu.

Esaki ta e motibu pa kua Pablo ta enfatisá: “…I ku boso pianan bistí ku e disposishon di prediká e evangelio di pas” (Efesionan 6:14,15). E "disposishon di prediká e evangelio di pas" ei ta kisas e eksperensia di mas difísil i sporádiko den bida di e pueblo di Dios. Estadístikanan ta bisa ku den e iglesianan mas mishonero na mundu, solamente dies porshento di e miembronan ta komprometé ku e mishon.

Un gran parti di nan, di algun manera, ta studia Beibel i ta hasi orashon: un dia sí i e otro nò. Tin biaha, un biaha so pa siman, e mayoria ta konsiente ku nan mester mehorá nan bida deboshonal, sinembargo, nan no ta duna importansia na testifikashon.