Dios promé

Kerido rumannan di Union Adventista Panameño

Nos ta pone e material balioso akí, ku lo kambia bo bida, den bo man. Sea kompletamente sigur di dje. Bo mester djis sigui e sekuensia di e evento akí den e promé ora di kada mainta. Por fabor, no falta niun dia.

Dikon den e promé ora di kada mainta? Hesus tabata kla ora El a bisa ku, riba tur kos, nos mester pone E na promé lugá: “Buska promé e reino di Dios i Su hustisia” (Mat. 6:33). E promé ora ei ta e ora ku bo ta lanta. E konseho ta pa bo lanta den e trankilidat di mardugá.

E evento akí tin komo meta pa yudabo atkerí e kustumber di komunion: topa ku Dios den e promé ora di dia pa asina rebibá bo mes kada dia bou di direkshon di Spiritu Santu.

Durante e evento akí lo bo kana ku Dios i lo bo optené un eksperensia nobo i vigoroso den bo kresementu spiritual. E temanan ta partí den kuater sekshon, ku e meta pa sa dikon bo a ser kreá:

1. Bo a ser kreá pa relashoná bo mes ku Dios.
2. Bo a ser kreá pa meditá riba e palabra di Dios.
3. Bo a ser kreá pa ta fiel i viktorioso, guiá pa Spiritu Santu.
4. Bo a ser kreá pa intersedé pa otronan i kumpli ku e mishon.

Riba kada dia lo tin un sekshon titulá “aktividatnan di dia”, kaminda lo bo topa desafionan diario ku bo mester realisá. Pa kumpli ku e meta akí bo no mester solamente lesa e temanan di kada dia, sino tambe realisá e “aktividatnan di dia”. Dor di kumpli ku e rekisito akí lo bo alkansá e meta.

Nos deseo ta pa bo konsolidá i desaroyá e kustumber di kana i rebibá bo bida diario ku Hesus, te na e gran enkuentro di Su segundo binida.

Lo mi ta hasiendo orashon pa bo.

Pr. Féliz A. Gutiérrez M. Direktor di Mayordomia Kristian UNION ADVENTISTA PANAMEÑA.