E Ora di Su Huisio

29 di aprel

Lesa pa e Estudio di e Siman Akí:

Daniel 8; Daniel 9; Esdras 7; Mat. 3:13–17; Rom. 5:6–9; Marko 15:38; Lev. 16:16.

Versíkulo di Memoria:

“I hasi esaki, konosiendo e tempu, ku ya ta ora pa boso lanta for di soño; pasobra awor salbashon ta mas serka nos ku tempu nos a kere. 12 Nochi ta serka di pasa, i dia ta serka di habri. P’esei, laga nos pone e obranan di skuridat un banda i bisti e armadura di lus. ” (Romanonan 13:11,12, NKJV).

Vários aña pasá, revista National Geographic a konta tokante un kandela di mondi na Yellowstone National Park na Estádos Unídos. Despues ku el a terminá, wardadónan di mondi a subi un seru pa evaluá e daño. Un guardian a haña un para literalmente kompletamente kimá na pia di un palu. Un poko malu pa e bista straño, el a bòltu e para ku un palu.

Ora el a dal e, tres yu di para chikitu a kore sali for di bou di e alanan di nan mama morto. E mama amoroso, di forma skèrpi konsiente di desaster menasante, a karga su yunan hiba na base di e palu i a reuní nan bou di su alanan. E por a bula bai na seguridat ma el a nenga di bandoná su yuchinan. Ki un kuadro di e kreyente, ku ta seif den Kristu!

E kandelanan di e huisio di Dios a kima nan mes riba djE, na Kalvario, i tur ku ta den Kristu ta seif pa semper bou di Su alanan. Na e krus, a husga Kristu komo un pekador kondená pa asina por a husga nos komo siudadanonan hustu di e reino selestial. A husg’E komo un kriminal pa asina por a libra nos di e kandelanan destruktivo di pèrdida eterno, tantu figurativo komo, sí, literalmente, tambe.

* Studia e lès di e siman akí pa prepará pa Sabat, 6 di mei.

Manera nos a mira kaba, mester tin un huisio promé ku Kristu bini. E angel ta anunsiá ku un bos duru ku “e ora di Su huisio a yega” (Rev. 14:7). E buki di Daniel ta duna nos e tempu ora e huisio ta kuminsá.

Lesa Daniel 8:14. Ki kalènder di tempu spesífiko Daniel ta duna nos enkuanto di e purifikashon di e santuario?

Kada hudiu tabata komprendé klaramente e nifikashon di e purifikashon di e santuario terenal. E tabata tuma lugá riba e Dia di Ekspiashon, ku tabata e dia di huisio. Aunke Daniel a komprendé e konsepto di purifikashon di e santuario i e huisio, e tabata konfundí tokante e 2.300 dianan akí.

Lesa Daniel 8:27 i Daniel 9:21,22. Kiko tabata Daniel su reakshon riba e vishon di e 2.300 dianan, i kiko tabata Dios su kontesta na dje?

Na final di Daniel 8, Daniel a desmayá i a sklama: “ma e vishon a lagami tur babuká, i no tabatin ningun hende pa duna splikashon di djé” (Dan. 8:27). Es desir, e vishon di e 2.300 dianan (ya a splika restu di e vishon; lesa Daniel 8:19–22). E siguiente kapítulo, Daniel 9 ta registrá angel Gabriel ku ta bin splika e profesia di 2.3300 dia na Daniel: “O Daniel, awor mi a bin pa dunabo disernimentu i komprendementu”. (Dan. 9:22).

Gabriel ta asombrá Daniel ora e revelá un kontesta riba su orashon muchu mas amplio ku hamas el a imaginá. Angel Gabriel a baha Daniel abou di e fluho di tempu i a revelá e bèrdat tokante e Mesias ku ta bini, dunando e fechanan eksakto di inisio di Su ministerio i Su morto kruel, eventonan ku ta konektá direktamente na e purifikashon di e santuario, den Daniel 8. Den otro palabra, e morto di Kristu i e huisio ta inseparablemente konektá.

Dikon ta signifikante ku e morto di Hesus, manera ta revelá den Daniel 9:24–27, ta direktamente konektá na e huisio, den Daniel 8:14? Ki gran bèrdat e konekshon akí ta siña?

Lesa Daniel 8:17,19,26. Ki periodo di tempu e angel ta deklará ku e vishon di Daniel 8 i e 2.300 dianan ta apliká na dje, i dikon e ta importante pa nos komprendé?

Algun hende ta argumentá ku e 2.300 dianan ta dianan literal. Tambe nan ta kere ku e kachu chikitu akí di Daniel 8 ta apliká na e lider militar seléusida Antiochus Epiphanes (216 P.K.–164 P.K.), ku a ataká Herusalèm i a mancha e tèmpel hudiu, aunke 2.300 dia no ta pas ni su kuadro di tempu. E interpretashon akí, sinembargo, ta kontrali na e instrukshon kla di e angel ku e vishon ta apliká na e “tempu di fin”. Antiochus seguramente no a biba na e tempu di fin.

Den Daniel 8, Gabriel ta kuminsá su splikashon di e profesia di 2.300 dia. E ta menshoná e chubat'i karné komo representando Medo-Persia i e chubat'i kabritu komo representando Gresia (Dan. 8:20,21). Aunke no ta menshon’é, manera a hasi ku e dos podernan promé kuné, e siguiente entidat, e kachu chikitu, ta opviamente Roma (Dan. 8:9,23,24). Despues e ta deskribí un tipo di fase religioso-polítiko di Roma, ku lo a “benta e bèrdat abou” (Dan. 8:10–12,25) i interferí ku e ministerio selestial di Kristu (Dan. 8:10–12). E purifikashon di e santuario den Daniel 8:14, e klímaks di e kapítulo, ta Dios su kontesta riba e desafio di podernan terenal i religioso ku a purba usurpá e outoridat di Dios. E ta parti di Dios su solushon divino pa e problema di piká.

Gabriel ta kla pa splika e detayenan den Dios su kalènder profétiko. Na final di Daniel 8 nos por mira klaramente ku Daniel no a komprendé e parti di e vishon tokante e 2.300 dianan (Dan. 8:27). A splika e parti mas promé tokante e chubat’i karné, e kabritu, i e kachu chikitu, asta ku e promé dos podernan kompletu identifiká pa nòmber (Dan. 8:20,21). Sinembargo, no a splika e purifikashon di e santuario.

E angel Gabriel, kende a aparesé den Daniel 8, ta aparesé awor den Daniel 9 i ta bis’é: “ ‘Na kuminsamentu di bo súplikanan e òrdu a wòrdu duná, i mi a bin pa konta bo esaki, pasobra bo ta masha stimá; asina, paga tinu na e mensahe i komprendé e vishon’ ” (Dan. 9:23). Ki vishon? Manera nos lo mira mañan, e vishon di e 2.300 dianan, e úniko parti di e vishon anterior, den Daniel 8, ku e no a splika ainda na Daniel.

Gabriel a yama Daniel “masha stimá”. Kiko esaki ta bisa nos tokante e konekshon íntimo entre shelu i tera?

Lesa Daniel 9:23. Ki instrukshon spesífiko e angel ta duna Daniel? Dikon esaki ta signifikante pa komprondé e nifikashon di purifikashon di e santuario den Daniel 8:14?

E angel a instruí Daniel klaramente pa “paga tinu na e mensahe i komprendé e vishon” (Dan. 9:23). Ki mensahe, i ki vishon? Pasobra no a registrá niun vishon den Daniel 9, e angel mester ta papiando di e porshon di e vishon den Daniel 8 ku e profeta no a komprendé, e vishon di e 2.300 dianan (Dan. 8:27).

Gabriel ta kontinuá den Daniel 9:24–27. Di ki eventonan den bida i ministerio di Hesus e ta papiando?

E promé porshon di e profesia akí ta relatá na Dios su pueblo, e hudiunan. “Un temporada di setenta siman ta fihá pa bo pueblo”, e nashon hudiu (Dan. 9:24). Den profesia di Beibel, un dia profétiko ta igual na un aña profétiko literal (Ezek. 4:6, Num. 14:34). Den Daniel i Revelashon, ora bo tin imágennan simbóliko, generalmente bo tin un profesia di tempu simbóliko tambe. Un di e maneranan ku nos por ta sigur ku e prinsipio di profesia di dia-aña ta apliká akinan ta ku, ora nos uz’é den e profesia di Daniel, kada evento riba e liña di tempu ta resultá perfektamente (lesa e lès di mañan). Si nos apliká e prinsipio akí, 70 siman ta konsistí di 490 dia. Unabes ku un dia profétiko ta igual na un aña literal, 490 dia ta 490 aña literal.

Gabriel ta bisa Daniel ku ta “kòrta kita afó” (e nifikashon literal di e palabra hebreo chathak, tin bia tradusí “determiná”) 490 aña. Kòrta for di kiko? E por ta e úniko otro profesia di tempu ku ta referí na dje akinan: e 2.300 dianan di Daniel 8:14. Ta konektá e 490 añanan akí, un profesia di tempu, direktamente bèk na e profesia di tempu di Daniel 8:14, e úniko parti di e vishon ku ta keda sin splikashon den Daniel 8 i e úniko profesia di tempu den Daniel 8 tambe. Pues, nos por mira ku Gabriel ku e profesia aki ta bini pa yuda Daniel komprendé loke e no a komprendé den e kapítulo anterior: e 2.300 dianan.

Gabriel a kuminsá e profesia di 490 aña akí ku un evento ku tabata ekstremadamente importante pa Daniel i pa e hudiunan, e mandato pa restourá i konstruí Herusalèm. Aunke a pasa vários dekreto enkuanto di Herusalèm, den Esdras 7 nos ta deskubrí ku e dekreto ku a pasa den 457 Promé ku Kristu a permití e hudiunan pa no solamente regresá na nan patria sino tambe pa establesé nan mes komo un komunidat religioso (lesa Esdras 7:13,27).

Ta signifikante pa nota ku a emití e dekreto di Artaxèrxès den hèrfst di 457 Promé ku Kristu. For di e dekreto akí, na 457 P.K., te na e Mesias, di akuerdo ku Daniel, lo tabata 69 siman, òf 483 aña. Si nos kuminsá na 457 P.K. i sigui padilanti riba e liña di tempu di historia, nos ta yega na 27 Despues di Kristu.

E palabra Mesias ta nifiká “esun ungí”. Na 27 Despues di Kristu, Hesu-Kristu, e Mesias, a batisá. (Lesa. Mat. 3:13–17) Daniel a predesí míles di aña adelantá e aña eksakto pa e boutismo di Kristu, e momento ku Hesus lo a kuminsá Su ministerio di tres aña i mei.

Lesa Romanonan 5:6–9 huntu ku Daniel 9:26. Ki gran bèrdatnan ta revelá akinan?

“Anto despues di e sesent'i dos simannan e Mesias lo wòrdu kòrtá kitá afó, i lo no tin nada,” (Dan. 9:26). Lo “kita” bida di, òf krusifiká, e Mesias. E versíkulo ta añadí “sin ku e tabata kulpabel.” Den otro palabra, e morto di Kristu riba e krus di Kalvario tabata pa nos, no pa E mes, motibu pa kua Pablo por a skirbi: “Ma Dios ta demostrá Su mes amor pa ku nos den esaki, ku tempu nos tabata pekadó ainda, Kristu a muri pa nos.” (Rom. 5:8).

Den Daniel 9:27 nos ta lesa ku meimei di e siman, e último shete añanan, Kristu lo a “para tur sakrifisio i ofrenda.” Meimei di e di setenta siman, na aña 31 D.K., Kristu a konfirmá e aliansa eterno ku Su sanger ora El a muri riba e krus, i e sistema di sakrifisio a pèrdè kualke i tur nifikashon profétiko. E profesianan akí ta revelá ku lo a krusifiká Kristu, e Mesias, i pone e sistema di sakrifisio stòp su importansia profétiko den primavera di aña 31 D.K. E predikshonnan akí a kumpli den tur detaye. Eksaktamente na Pasku, ora e sumo saserdote tabata ofresiendo e lamchi di Pasku, a sakrifiká Kristu pa nos.

Ku loke tabata skirbí aki riba den mente, lesa Marko 15:38 i Mateo 3:15,16. Kon e versíkulonan akí ta yuda nos komprendé e profesia di Daniel 9:24–27?

E promé 490 añanan di e profesia di 2.300 aña tabata destiná spesialmente pa e nashon hudiu di antigwedat i e binida di e Mesias. E último parti di e 2.300 añanan tin di aber ku e pueblo di Dios, tantu hudiu komo pagano, huntu ku e purifikashon di e santuario selestial, i, finalmente, e segundo binida di Kristu.

E promé 490 añanan ta apliká na e promé Atvènt di e Mesias i a terminá na aña 34 D.K. Kitando 490 aña for di 2.300 aña ta laga nos ku 1.810 aña. E otro 1.810 añanan akí ta apliká na e pueblo di Dios. Si nos kuminsá na aña 34 D.K. i nos añadí 1.810 aña, nos ta yega na aña 1844 D.K.

Den lus di e purifikashon òf restourashon di e bèrdat tokante e santuario i e shelu su huisio di tempu di fin, Dios ta hasi Su apelashon final na henter humanidat den Revelashon 14:6,7 pa respondé riba Su amor, aseptá Su grasia, i biba bidanan santu i obediente.

Lesa Levítiko 16:16. Kiko tabata e motibu pa e purifikashon di e santuario, i kiko esaki ta siña nos tokante e evangelio?

Pa motibu di e pueblo su pikánan, e pueblo su inikidatnan, mester a purifiká e santuario, loke tabata sosodé solamente ku e sanger di animalnan. Ta mesun kos ku nos. Nos tin mester di un Salbador, kende su bida e animalnan matá riba e Dia di Ekspiashon ta simbolisá, komo e úniko manera pa pasa dor di e huisio.

Lesa Levítiko 23:26–29. Kiko Dios a manda Su pueblo hasi riba e dia di huisio ei, i kiko esei mester nifiká pa nos awendia?

E israelitanan mester a “aflihí nan almanan”. E ekspreshon akí ta indiká ku nan mester a humiá nan mes i saminá nan kurason, konfesá nan pikánan, i pidi Dios pa purifiká nan miéntras e sumo saserdote tabata purifikando e santuario terenal.

E kapítulonan profétiko di Daniel 7–9 i Revelashon 14 ta enfoká spesialmente riba e apelashonnan urgente di e ora di huisio pa prepará. For di 1844, nos a bin ta biba den e ora di huisio, i e mensahe di e promé angel di Revelashon ta proklamá: “E ora di Si huisio a yega” (Rev. 14:7). Kon, anto, nos ta “aflihí nos alma” awendia?

Ata un manera lihé i fásil pa wak e profesia di 70 siman di Daniel 9:24–27. Di promé, e 70 simannan (Dan. 9:24). Despues, e shete simannan i sesentidos simannan, òf 69 siman (Dan. 9:25) di e 70 simannan. Tin e último siman, e di setenta (Dan. 9:27).

I, finalmente, ta parti e último siman ei, “meimei di e siman” (Dan. 9:27), den dos sekshon di tres aña i mei.

Esei ta tur kos. Setenta siman, ku ta konsistí di sesentinuebe siman i un siman. I esun siman ei ta partí na mitar. Djis hinka e fecha, 457 P.K., aden na kuminsamentu, i ku matemátika simpel, sí, nos ta yega na 1844 riba e liña di tempu.

Tambe, ora e ta papia tokante e 2.300 dianan, Daniel nunka a bisa ki dia e 2.300 dianan a kuminsá. “ ‘Dos mil tresshen atardi i mainta. Despues lo konsagrá e tèmpel atrobe’ ” (Dan. 8:14). Dos mil tresshen dia, for di ki dia? Dikon no for di dia Daniel tabatin e vishon mes, e “di tres aña ku Belshasar tabata rei” (Dan. 8:1)?

Esei no ta funshoná. E vishon den Daniel 8 no tabata inkluí Babilonia. El a kuminsá ku eventonan despues di dje, es desir, Media i Persia, Gresia, Roma, te na “e fin”. Pa kiko data un evento, purifikashon di e santuario, ku ta den e vishon, for di un evento, Babilonia, ku no ta? E fecha di inisio pa e klímaks di e vishon mester bini for di paden di e vishon mes, loke a kuminsá ku Media i Persia i ta ekstendé te na “e fin”. Esei ta hopi aña.

Kua a kumins’é? No ta bisa nos den Daniel 8. Ta bisa nos den Daniel 9.

Preguntanan pa Diskushon:

Den klas, diskutí e relashon será entre e evangelio i huisio manera nos ta mira den e dos partinan akí di loke ta, realmente, un profesia. Dikon e konekshon entre nan dos ta asina bon notisia pa nos? Kon e konekshon akí mester yuda aliviá e miedu ku hopi hende tabatin enkuanto di e idea di huisio

Reflekshoná mas riba e bèrdat, revelá den Daniel 9:26, ku a kòrta e Mesias kita afó, pero “E no tabata kulpabel”. Di kiko esaki ta papiando? Pa ken a kòrt’E kita afó, i di kon?

Lesa Levítiko 16 i Levítiko 23:26–29 atrobe. Papia tokante e motibu pa purifikashon di e santuario (Lev. 16:16) i kon e pueblo ta suponé di aktua ora e tuma lugá (Lev. 23:26–29). Kiko ta e relashon entre loke ta sosodiendo akinan, i loke e mester nifiká pa nos awe?Reflekshoná mas riba e idea di e huisio, ku ta revelá e karakter di Dios na e universo. Kon e idea akí ta pas hopi bon ku henter e senario di e gran konflikto?