Awe mi t´ei sende un bela,
Na honor di mi Señor.
Un bela kòrá manera e sanger
Ku El a drama riba seru di Kalvario
Pa pordoná mi pikánan
Mi a pone e bela para
Riba un kandelá di oro
Pa mi sinta den su trankilidat,
I disfrutá di e vlam briante
Ku ta manda, huntu ku su lus,
Un kalor yen di ternura.
Lus, pa iluminá mi kaminda
Pa yega serka Bo, Señor;
Kalor, pa yena mi kurason ku amor
Pa mi stima eternamente i
Solamente Abo so.
Danki Kristu-Hesus, danki mi Señor,
Pa e amor ku B’a dunami,
Pa Bo manera di stimami.
Danki ku porfin m’a siña,
Kon pa mi stimaBo bèk!